AVLYST: Informasjonsmøte om tilskotsordninga for tidsskrift og kritikk
Bodø og omland – sett av datoen! I samband med den årlege utlysinga av tilskot til tidsskrift og kritikk, inviterer Kulturrådet til informasjonsmøte om ordninga.
|
19. august 2024 kl. 10:00 - 11:00 |
|
|
Dronningens gate 18, Bodø |
|
|
Kulturrådet |
Oppdatering 12. august: På grunn av for få påmelde, ser me oss dessverre nøydde til å avlysa det fysiske arrangementet. Viss du ønskjer å søkja ordninga til kommande frist, og har spørsmål, kan du ta kontakt med seniorrådgivar i Kulturdirektoratet, Mette Karlsvik. Ho kan nåast på mette.karlsvik@kulturdirektoratet.no.
Kulturrådets ordning tidsskrift og kritikk vil for 2024 ha tildelt nesten 30 millionar kroner til redaksjonar og enkeltskribentar som jobbar innanfor tidsskrift- og kritikkfeltet. Men lite av dette går til søkjarar med base i Nordland fylke, og slik har det vore lenge. Det er få søkjarar frå fylket, ofte ingen.
Me oppmodar alle som skaper og/eller publiserer innhald av det meir grundige, djuptpløyande og kritiske segmentet av offentlegheita til å møta opp, for informasjon og moglegheita for å stilla spørsmål.
Informasjonsmøtet kjem i samband med årets utlysing av produksjons-, prosjekt-, og arrangementstilskot for 2024. Typiske søknader som kjem til ulysningen, er for drift av tidsskrift, programmering av arrangement som tematiserer eller praktiserer kritikk og anmelderi, eller utprøvingsprosjekt innanfor tidsskrift- og kritikkfeltet.
Neste søknadsfrist er 3. september 2024 kl. 13.00.
Program
- Innleiing om Kulturrådets tilskotsordning tidsskrift og kritikk v/ seniorrådgivar i Kulturdirektoratet, Mette Karlsvik
- Spørsmål og samtale