Auka press på Kulturrådets ordningar for scenekunst i 2023
71bodies er et transinkluderende danse- og performancekompani grunnlagt av danseren og koreografen Daniel Mariblanca. Kompaniet bruker dans som utgangspunkt for å utvide forståelsen av hva det kan være. Hver produksjon inkluderer deltakere i ulike aldre og med forskjellige bakgrunner. I 2022 mottok kompaniet flerårig tilskudd fra Kulturrådet. Foto: Karin Jonkers.
Mangfaldet i norsk scenekunst er likevel i stadig utvikling, og aktørane finn oftare fram til nye arenaer.
Årsoppsummeringa for scenekunst 2023 presenterer tal, tendensar og utviklingstrekk frå Kulturrådets scenekunstordningar. Formålet er å styrkja kunnskapen om rådet og leggja betre til rette for dialog med søkjarane og aktørane på feltet.
– Den varsla og etterlengta ordninga for etablerte kompani vart annonserte i statsbudsjettet til regjeringa for 2024. Det var og er knytte store forventningar til denne ordninga som aktørane i scenekunstfeltet har etterspurt. Gjennom den nye ordninga er Kulturrådet glade for å kunna tilby fleire aktørar i feltet fleirårig verksemdstilskot, seier fagansvarleg for scenekunst i Kulturdirektoratet, Yrjan Svarva.
Ny ordning for etablerte scenekunstverksemder
Økonomisk føreseielegheit og utvida planleggingshorisont er viktig for dei scenekunstgruppene som arbeider utanfor eller i samarbeid med institusjonane. Fri scenekunst – etablerte verksemder vart vedtekne av Kulturrådet i 2023. Den vart lyst ut for første gong i 2024.
Den nye ordninga skal vera eit supplement til ordningsstrukturen på scenekunstområdet. Den vender seg til kompani som har vore i aktivitet i 15 år eller lenger. Ordninga har mange likskapstrekk med tilskotsordninga fri scenekunst – kunstnarskap. Men ho skil seg likevel frå denne ved kravet om talet på år med aktiv produksjons- og formidlingsverksemd, og kravet retningslinjene har til delfinansiering frå andre tilskotssytarar.
Stort kunstnarisk og kulturelt mangfald
Det er eit sterkt press på dei ulike tilskotsordningane. Når det gjeld forprosjektordninga gjeld det ein omfattande auke av talet på søknader, medan under tilskotsordningane for fri -scenekunstordningane er det først og fremst søknadsbeløpa som stadig aukar. Dette blir avslørt i det talmaterialet som årsoppsummeringa presenterer i del 3.
Mangfaldet i norsk scenekunst er likevel i stadig utvikling. Dette gjeld så vel rekruttering av aktørar med ulike kulturelle bakgrunnar som eit mangfald av kunstnariske praksisar og uttrykksformer. Det er også ein tendens at aktørane i feltet heile tida finn fram til nye arenaer.
God geografisk spreiing
Rapporten gjer også greie for for utfordringane når det gjeld å auka talet på spelingar av dei produksjonane som er realiserte. Kulturrådet reknar det som viktig at framsyningane blir framførte på arenaer over heile landet. Den geografiske spreiinga på tilskotsmottakarar på arrangørstøtteordninga er i utgangspunktet svært god.
Ordninga omfattar både tidsavgrensa festivalar og heilårsarrangørar og dei fleste representerer festivalar. Kulturrådet ønskjer å rekruttera fleire heilårsarrangørar og samtidig styrkja dei arrangørane som er inne på ordninga allereie. Dette kjem til å bli viktig åra som kjem, for å auka tilgjengelegheita av scenekunsten til samtida for ein større del av befolkninga.